Results 1 to 1 of 1
  1. #1
    YouR De$i RaPPeR www.desirulez.net
    Join Date
    Jun 2009
    Location
    Spain BCN (Barcelona)
    Posts
    3,272

    Default hum ziNdagii the humko kisi ne jiyaa nahiiN

    Follow us on Social Media





    hum ne uske vaaste kya-kya kiyaa nahiiN !
    kismat ke jaur dekhiye vo phir milaa nahiiN

    tarq-e-wafaa pe isliye bhi maiN khafaa nahiiN
    uski thiiN kya majbooriiyaaN mujhko pataa nahiiN

    dikhte haiN aib jis ko har kisi meiN be-shumaar
    shaayad voh shakhs aaiinoN meiN jhaaNktaa nahiiN

    zulm sahuuN us pe shikayat bhi na karuuN !
    ai jaan-e-Ghazal aadmi huuN, devtaa nahiiN

    risney diyaa usne bhi aik zakhm umr bhar
    maine bhi aik chaak jigar ka siyaa nahiiN

    mujh ko qabool saare zamaane ki zilla'teiN
    par mujhko bewafaa na keh, maiN bewafaa nahiiN

    huuN muNtazir maiN teraa qayamat ke roz taq
    ziNdaa rahuuNgaa tab talaq yeh vaayi'daa nahiiN

    TukdoN ko dekh-dekh ke jee bhar chuka miraa
    ab au'r khwaab dekhne ka hau'slaa nahiiN

    har lamhaa dard-e-dil meiN izaafoN ke ba-wajood
    paas-e-wafaa ko maine taak par rak'khaa nahiiN

    kaaNToN se thi khusbuu ki tavvaqo, meri taq'seer
    maiN khud hi gunaahgaar huuN, uski khataa nahii

    paaya hai jis ko uss se mohabbat na kar sakey
    har pal duaaoN meiN jisey maaNgaa, milaa nahiiN

    ab khaatir-e-taskeen-e-dil kyuN dar-ba-dar phiruuN
    is marz ki maiN jaanta huuN kuch dawaa nahiiN

    sajdoN ne jiske dar ko tere, khooN se raNg diya
    yeh sar vo tha jo kal talaq kahiiN jhukaa nahiiN

    "maikash" tam'aam umr kaTii is malaal meiN
    "hum ziNdagii the humko kisi ne jiyaa nahiiN"

 

 

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •