Results 1 to 1 of 1
  1. #1

    Default Jab Tu Paida Huwa

    Follow us on Social Media




    300


    336
    Jab Tu Paida Huwa Kitna Majboor Tha
    Yeh Jahan Teri Sonch Se Bhi Dour Tha...
    Haath Paaon Bhi Tab Tere Apne Na Thay
    Teri Ankhon Main Duniya Ke Sapne Na Thay...
    Tujh Ko Aata Sirf Rona Hi Tha
    Doodh Pi Ke Kaam Tera Sona He Tha...
    Tujh Ko Chalna Sikhaya Tha Maa Ne Teri
    Tujh Ko Dil Main Basaya Tha Maa Ne Teri...
    Maan Ke Saye Main Parwan Tu Chadne Laga
    Waqt Ke Sath Qad Tera Badne Laga...
    Ahista Ahista Tu Kariyal Jawan Ho Gaya
    Tujh Pe Saara Jahan Meharban Ho Gaya...
    Zore Bazoo Pe Tu Baat Karne Laga
    Khud He Sajne Laga Khud Hi Sanwarne Laga...
    Ek Din Ek Ladki Tujh ko Bhaa Gayi
    Ban Ke Dulhan Woh Tere Ghar Agayi...
    Apne Farz Se Tu Door Hone Laga
    Beej Nafrat Ka Khud Hi Tu Bone Laga...
    Phir Tu Maa
    Baap Ko Bhi Bhulane Laga
    Teer Baton Ke Phir Tu Chalane Laga...
    Baat Baat Par Unn Se Tu Ladne Laga
    Qayda ek Naya Tu Phir Padne Laga...
    Yaad Kar Tujh Se Maa Ne Kaha ek Din
    Abb Humara Guzara Nahi Tere Bin...
    Sunn Ke Yeh Baat Tu Taish Main Agaya
    Tera Gussa Teri Aqal Ko Kha Gaya...
    Josh Main Aake Tu Ne Yeh Maan Se Kaha
    Main Tha Khamoosh Sab Dekhta Hi Raha...
    Aaj Kehta Hoon Peecha Mera Chor Do
    Jo Hai Rishta Mujhse Tumhara Woh Tum Tod Do...
    Jao Ja Ke Kahin Kaam Dhanda Karo
    Log Marte Hain Tum Bhi Kahin Ja Ke Maro...
    Baith Kar Aahen Bharti Thi Maan Raat Bhar
    Unki Aahon Ka Tujh Par Huwa Na Kuch Asar...
    Ek Din Baap tera Chala Rooth Kar
    Kaise Bikhri Thi Phir Teri Maa Toot Kar...
    Phir Woh Bhi Bas kal Ko
    Bulati Rahi
    Zindagi Usko Har Roz Satati Rahi...
    Ek Din Mout Ko Bhi Taras Agaya
    Uska Rona Taqdeer Ko Bha Hi Gaya...
    Ashk Ankhon Main Thay Woh Rawana Howi
    Mout Ki Ek Hichki Bahana Howi...
    Ek Sukoon Us ke Chehre Pe Chane Laga
    Phir Tu Mayyat Ko Uski Sajane Laga...
    Muddatain Ho Gayin Aaj Buddha Hai Tu
    Tooti Khatiya Pe Pada Bora Hai Tu...
    Tere Bacche Bhi Abb Tujh Se Darte Nahin
    Nafraten Hain, Muhabbat Woh Karte Nahin...
    Dard Main Tu Pukare Ke O MERI MAA
    TERE DAM SE ROSHAN THE DONO JAHAN...
    Waqt Chalta Rahta Hai Waqt Kabhi Rukta Nahi
    Toot Jata Hai Woh Jo Ke Jhukta Nahin...
    Bun Ke Ibrat Ka Tu Abb Nishan Reh Gaya
    Dhoond! Zor Tera Kahan Ab Reh Gaya...
    Tu EHKAM-E-RABBI Bhulata Raha
    APNE MAAN BAAP
    KO TU SATATA RAHA...
    Kaat Le Tu Wohi Tu Ne Boya Tha Jo
    Tujh Ko Kaise Mile Tu Ne Khoya Tha Jo...
    Yaad Kar Ke Gaya Dor, Tu Rone Laga
    Kal Jo Tu Ne Kiya Aaj Phir Hone Laga...
    Mout Mange Tujhe Mout Aati Nahi
    Maa Ki Soorat Nigahon Se Jati Nahi...
    Tu Jo Khanse Tu Aulad Dante Tujhe
    Tu Hai Nasoor Sukh Kon Bante Tujhe...
    Mout Ayegi Tujh Ko Magar Waqt Par
    Bann Hi Jaye Gi Qabar Teri Waqt Par...
    QADAR MAA BAAP KI AGAR KOI JAAN LE
    APNI JANNAT KO DUNIYA MAIN PEHCHAN LE...
    Pyar Na Dil Se Hota Hai, Na Dimaag Se...
    Pyar To Ittefaq Se Hota Hai.
    Per Pyar Karke Pyar Hi Mile...
    Ye Ittefaq Kisi Kisi Ke Sath Hota Hai.



 

 

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •