Results 1 to 1 of 1

Thread: Ghalib Ghazal

  1. #1
    Senior Member www.desirulez.net
    Join Date
    Nov 2011
    Posts
    145

    T

    Default Ghalib Ghazal

    Follow us on Social Media




    300


    336
    fir mujhe deeda-e-tar yaad aaya
    dil jigar tashna-e-fariyaad aaya

    dam liya tha na qayaamat ne hanoz
    fir tera waqt-e-safar yaad aaya

    saadgee haay tamanna, yaanee
    fir wo nai_rang-e-nazar yaad aaya

    uzr-e-waamaaNdagee 'ei hasarat-e-dil
    naala karta tha jigar yaad aaya

    zindgee yoN bhee guzar hi jaatee
    kyoN tera raahguzar yaad aaya ?

    kya hee rizwaaN se laDaayee hogee
    ghar tera KHuld meiN gar yaad aaya

    aah woh jurat-e-fariyaad kahaaN
    dil se tang aake jigar yaad aaya

    fir tere kooche ko jaata hai KHayaal
    dil-e-gumgashta magar yaad aaya

    koee weeraanee-see-weeraanee hai
    dasht ko dekh ke ghar yaad aaya

    maiNne majnooN pe laDakpan meiN 'Asad'
    sang uTHaaya tha ki sar yaad aaya

 

 

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •